spruchbeidl.de

201 – 250

A reachter Ma mid Frau on Kend, hod Hôr am Sack ond ned am Grend!

Viel Händ machad bald a End.

Viel Händ send emmer guat, außer en dr Schüssel.

Vo deam seim Roschdbrôda hosch zwoi Däg Muskelkadr en dr Gosch.

Vom viela Schaffa vrreckad d´Gäul

Vo´ma Ochsa ko mer net mehr verlanga, wi´a guats Stick Rendfloisch.

Wa deand denn dia do danna en denne Dennela denna ?

Warom a Wiaschde heirata, a Scheene frisst au et meh.

Was de nedd biaga kôsch, sodsch au nedd brecha.

Was Dein isch, isch au Mein ond was Mir ghört, geht Dia nô lang nix a.

Was diu da ganza Dag iber schaffd, machad andre beim Zwelfeschlaga.

Was dr Baur edd kennd, frisst er edd.

Was gôht mi mei saudomms Gschwätz von geschtern a?

Was koin Wert hôdd, isch sogar geschenkd zu teuer.

Was mr heut trenkt, muaß m´r schô morga nemme trenka.

Was mr net lubbfa kô, soll mr liega lau !

Was nützt mi a schöne Schüssel, wenn nix meh drenne isch.

Was schee isch, brauchsch net lang buddza.

Was uf em Disch stoht, isch scho vrschmerzt.

Wega oim dünna Aschd haut mr an Baum nedd om.

Weibersterba isch koi Verderba, aber Kuah verrecka, des isch a Schregga.

Wemmer no gsond isch ond guate Schuah hodd, dass mr dr Arbet drvolaufa ka.!

Wemmr emma alda Dregg rudelt, nô stinkt er.

Wemmr nô reich wärad, arm wärad mr schnell wieder.

Wemmr wissa däd, was mr net woiß, no däd mr meh wissa, wia wemmr net woiß, was mr net woiß.

Wenn a Aug nedd will, nô hilft au koi Brill.

Wenn´d mr net glaubsch, nô liag i de hald mid was anderm ô.

Wenn der d`Gosch uffmacht, nô isch scho gloga.

Wenn Dommheit gloi machd, nô kôsch onderm Debbich mid Schdelza laufa.

Wenn Dommheit schnell macha däd, no miasd drsell dr Buggel nuff bremsa

Wenn dr Bauer et schwemma koh, isch halt sei Badhoos schuld.

Wenn dr Hund edd gschissa hett, denn het´n dr Has verwischd.

Wenn dr Neid wias Feuer brenna däd, wär des Holz nedd so teuer.

Wenn dr Schdiefl henda a Loch hodd, setzt mr vorna koin Bleddz druff.

Wenn dr Schnai hoch liegt, nô scheisset Baura zom Dach naus.

Wenn dr Schnai laid auf´am Gländr, nô isch Wändr.

Wenn dr´Gaul z´guad em Fuadr schdohd, schlechd´r aus.

Wenn du Dei Nôs in mein Arsch stecksch, nô hann ich a Nôs em Arsch
ond du a Nôs em Arsch , aber i bin reladief besser drâ.

Wenn du Dengr zua meinr Dengere Dengere saisch, nô sag´i zu deiner Dengere au Dengere!

Wenn d´ Katza Gäul wärad, nô könnd mr auf d´ Bäum nuffreida.

Wenn d´Ärbat reich macha dät, wär dr Ochs reichr als dr Bauer.

Wenn d´Kuah koin Schwanz meh hodd, nô woiß se erschd, fir was´r guad war.

Wenn d´Maus voll isch, schmeckt´s Mehl bitter.

Wenn d´r Wirt schbringt, nô isch ebbes passiert!

Wenn d´Weiber oms Feier romschtandet, no moint a jede,
se misst au a Scheitle neischmeißa.

Wenn i geschdern gwißd het, was i heud woiß, miaßd e morga et do,
was i früher scho et gern do han.

Wenn i noamol auf d´Welt käm, i käm nemme !

Wenn i schnell schaff, werd i schnell müad.

Wenn ma vom Esel schwätzt, no kommt er.

Wenn mir dädad, wa mr soddad, däd dr Herrgott, wa mr wellat.

Wenn mr dem an Pfenning in Arsch klemmt, nô goht Prägung raus.