spruchbeidl.de

Aufm Wasa graset d Hasa…

Aufm Wasa graset d Hasa
ond em Wasser gambet d Fisch
liaber will i gar koi Schätzle,
als en sodda Fledrawisch

Gang mer weg mit Sametschüehla,
gang mer weg mit Bändela
Bauramädla send mer liaber
als so Kaffeebembela.

Moni hau mei Schätzele gnomma,
hot mei Muetter grausig dau
hot me bei de Auhra gnomma,
d Schdieganabe bfludar lau!

Sag du no zu deiran Alda
sui soll mi bassiera lau
i wur schau mein Schatz verhalda,
sell wurd sui en Dreck agauh!

Hender meiner Schwiegermueder
ihrem graußa Hemelbett,
leit a ganzer Sack voll Sechser,
wenn i no dia Sechser hätt!

Moni hau no kratzt ond bissa,
hot mi wölla koina küssa
seit i nemma kratz und beiß
krieg i d Küssla dutzedweis.

Kleine Kiegela mueß mer gießa,
wemmer Vögela schießa will
schöne Mädela mueß mer kießa
wemmer schöne Weibla will.

nach Zupfgeigenhansl (1908)